#162 No Te Pape
Ora
1. O vai te hiaai vai?
A haere mai i ô nei
Teie te puna vai maitai
To Iesu toto nei.
2. E pape ora mau
No nia mai i te ra’i,
Tei inu mau i teie nei vai
E ora mau ana’e.
3. Te feia hiaai vai
A haere mai i ô nei
A rave noa i te vai maitai
Aore roa e hoo.
4. Tii mai a inu noa
Eiaha e taia mai,
No outou mau te vai maitai
Te feia hiaai vai.
#80 Mori Arata’i
1. Te feia e haere n ate pahi,
Mai te titau i te tapaeraa mau,
Te ata poiri ra tei faaî,
Te poiri nei ho’i te ra’i
Faaho’iraa:
A hi’o atu na i te mori
Na te moana rahi,
Te vai noa maira i te atea e
Te mori arata’i.
2. Te feia e haere n ate ofafa’i,
Mai te titau i te vahi maitai,
E ata poiri mau tei faaî,
Mo’e atu ai ho’i te ra’i
3. Te aau oto e te mihi,
Na Iesu ïa e faarii,
E ore oia e oto faahou,
Na Iesu e haapopou.
#23 Te Fare Mori
1. Mai te ho’ê fare mori,
I roto i te poiri,
Te haapii mai nei te Fatu,
i te faatereraa mau.
Faahoiraa:
I to maramarama;
I ni’a i teie moana,
Faaora i te ihitai.
2. Aore ho’i e feti’a i te ra’i,
No te mau ihitai nei;
Na vai te vaa e faaora
I te to’a e te are?
3. Ia riro vau e fetia,
E tau Fatu e Iesu;
Ei arata’i i tei mo’e
I te tipaeraa i te ao.
#37 Tia’i Â
1. Te fare mure-ore mau,
Ia hope to tatou mamae,
Ua vaiihohia i ni’a i te ra’i,
Ahea tatou e tae atu ai?
Faaho’iraa:
Tia’i â; tia’i maite mai te maru,
(Tia’i â)
Tia’i â; tia’i maite mai te maru,
(Tia’i â)
Tia’i maite mai te maru.
2. Ia peapea te mana’o
I to tatou mau ati nei,
Te puai nei te titauraa,
Tirara faaearaa maitai.
3. Mamae â ho’i te avae nei,
To tatou hahaereraa,
Na reira’toa Iesu nei,
I te faaearaa i teie nei ao.
4. A rohi ana’e tamau â,
Te pure i roto i te aau;
E hiti mai te râ apî,
Mahana hau maru maitai.
5. E tia’i maite â tatou
I to tatou nei faaearaa,
Tae atu ai i to’na ‘tu tau
E tae tatou i nia i te ra’i.
#42 Araua’e
1. Te vai ra e fenua i ô ra
Te tiaihia nei e tatou
Ia oti te ohipa i ô nei
E tufaa ta tatou i tera ao.
Faahoiraa:
Araua’e, araua’e
E himene ai tatou i teie nei ao,
Araua’e, araua’e
E tufaa ta tatou i tera ao
2. Te vai ra e parahairaa i reira
Te haamaitaihia no tatou
Tei te fare o to tatou Metua
I ô atu i tera’tu ao.
3. E aore e oto i tera ao,
E aore e poiri i reira
O Iesu ra te maramarama
I te oire te vai ra i te ra’i
#43 No te Oro’a a te Fatu
1. E haapao tatou i te oro’a nei
No Iesu te Fatu, te ora teitei
Te tino, te toto, te vanaa maitai
Na Iesu i tiai ia’na i tae mai.
2. Te au’a, te pane ta tatou e amu,
Ei raau faa-toa e no te aau
Te faaroo, te hi’o auto ia Iesu Christ
Oia iho te ora tatou e ora’i
3. O Iesu te tumu no teie nei parau,
Oia iho, e homa, to tatou, nei hau
Te mau parau maitai ta’na i tuu nei
E faatauaroha no nia i te ra’i
#57 Uputa To Te Ra’i
1. Uputa Maitai to te ra’i
E ô te feia mo’a
E anaana to ratou
Ua hau te oaoa
Faahoiraa
Aue te aroha rahi e!
I vaiiho mai te uputa
Na’u e, na’u e
E ô ai au i reira.
2. Te vai mai nei te uputa
E tomo ai te imi
Te taata e te tamarii
Te veve e te titi
3. A tia, a haere tatou nei
Ia tomohia i roto
Te pii noa mai te Fatu e
A haere mai o outou.
#71 A Rohi
1. Eiaha tatou e haamarirau
A rohi! A rohi!
I roto i te ohipa maitai nei
A rohi! A rohi!
Faahoiraa
Te vai ra te mau haamaitairaa,
I ô atu i te ra’i
No te mau taata maitatai
Tei haehaa e tei haapao
2. E haamaitai tatou i te Atua
I te ao e te po.
E noa’tu te mau turoriraa
A rohi! Arohi!
3. Te vai nei te mau varua iino,
A ara! A ara!
E unuhi tatou in te o’e oi
O te E—vanelia
#72 Te Mahana
Haavaraa
1. Inaha te haere mai nei oia,
Na te ata o te ra’i
Tamaiti oia na te Atua
Oia mau o Iesu Christ
Haava Oia
E haava oia i to te ao.
2. Tei mutaa iho tere to'na
Tere ora i tae mai
Tei te piti o to'na tere
E mea e ta Iesu Christ
Haava Oia
E haava oia i to te ao.
#74 Eaha ra ia Tae i reira
1. O te ra'i te fenua maitai mau
Tei hau i te nehenehe
Ua faaroo-a-hia na te roo
Eaha ra ia tae i reira?
Faahoiraa
I reira, i reira
Eaha ra ia tae i reira
I reira, i reira
Eaha ra ia tae i reira
2. E mau e'a piru to reira
E te patu hanahana
O te unauna i te poe
Eaha ra ia tae i reira?
3. E hau tei taua fenua ra
E te here te poupou
Aita to reira e ta'i ra
Eaha ra ia tae i reira?
4. Aita to reira e ino
E te oto, e te aue
E te mihi, e te pohe,
Eaha ra ia tae i reira?
#197 Te Tia nei au
i te Ô
1. Te Tia nei au i te Ô
I rotopu i te mau roti
E te reo maru, i nia ia'u
Te reo o to'u fatu
Faahoiraa:
E, e o atu vau i to basileia
E faaea vau i reira
Aue te nehenehe e
O te ô a te Atua
2. Te faaroo nei au i te parau
A te Atua mure-ore
Ia ite au i te parau aro
Te ravea ia tae i te ô
#93 Ta Iesu Ohipa
1.Tatou e rave ta Iesu ohipa
Ma te rima e te aau tae
Ta'na ohipa i faaue maira
E mea rave papu ana'e
Faahoiraa:
Ta-na ra o-hipa
(Ta te fatu nei o-hipa)
Oaoa e! Oaoa e!
Ta-na ra o-hipa
(Ta te fatu nei o-hipa)
Te ô vine i raro nei
2. Tatou e faaite i taua parau ra
To'na aroha i te taata nei
To iesu te Fatu hanahana
E te maitai ta'na e horoa mai
3. Tatou e rave i ta'na i ta te Fatu
Pee atu ia'na na te e'a mau
E arata'i ai i te feia taive
Tae atu ai i te Arenio mau